2007年12月30日星期日

點樣放電

將件衫,特別係羽絨,剝落嚟,然後隨便搵嚿金屬物掂吓,咁就會放電嘞!喺北京D咁乾燥嘅地方,隨時都有可能無啦啦畀電親,真係抵死。不過我今日要講嘅放電唔係呢种放電……我要講嘅係attractive呢种放電。

要放電,首先要有電壓,亦就係一D你有佢冇嘅嘢。例如話,錢啦。又或者係一D更加虛無嘅嘢,所謂嘅demonstrate higher value就係無中生有搞D咁嘅嘢出嚟嘞。例如,你只係一般醒,但係扮到鬼咁叻鬼咁競,又搞到人哋信以爲真喔,你就搞咗個高電壓出嚟啦,如果人哋又過電,咁就掂晒嘞。

其中最重要嘅就係佢要信,咁先過電,於是你放出嚟嘅嘢就一定要係佢理解能力之内嘅嘢,而且最好係佢明知冇但又無能爲力嘅嘢。最好就係佢好希望自己能夠擁有嘅,咁既然佢得唔到,就當然希望從你身上得到啦。事實就係咁簡單。

没有评论:

发表评论